Bəziləri cənnət, onun nemətləri və cəhənnəm əzabından qurtulmaq üçün Allaha tacirsayağı ibadət edirlər. Mütəal Allaha öz lütf və mərhəməti üzündən savab və nemət vədəsi vermişdir

İmam Hüseyn (ə) Ərəfə duasında belə münacat edir: “İlahi mənim nəfsimə ehtiyacsızlıq ver.”

Hər kəsin əməli onun himmətinin və hər kəsin əsəri onun varlığının güzgüsüdür. Biz danışdıqda sözlərimiz daxilimizin nümayəndəsi olaraq batinimizdə nə toplandığını, canımızın haradan qidalandığınız göstərir.

Merac gecəsinin xüsusi ziyafətində Allah Taala Peyğəmbərə (s) bəndəlik verdi. Sübh vaxtı bu ayə nazil oldu: “Bəndəsini bir gecə Məscidül-həramdan ətrafını mübarək etdiyimiz Məscidül-əqsaya aparan Allah pak və müqəddəsdir”. Həzrət məhz bəndəlik məqamını aldı. Allahın məhz qulu Allahın tövhid, rəhmət və məhəbbətinin ocağıdır.

İnsanın bağlılıqları onu tövhid dəryasında üzməyə imkan vermir. Həzrət Musa (ə) Haqqın vüsalına yetiişmək üçün 40 gecə-gündüz hər şeydən və hər kəsdən ayrıldı, hətta, yemək də yadından çıxdı. Cism və maddiyyata yönəlmək bizim uçuşumuza mane olmuşdur.

ilayət risalətdən ayrılmamalıdır. Müsəlmanların dünyanın ən zəif adamları olmasının səbəbi nədir? Nə üçün acizik və dünyanın ən məzlumları olmuşuq? Nə üçün bütün qətl-qarətlər İslam ölkələrində baş verir? Çünki Qədir-xumu unutmuşuq. Bəşər hələ də Qədir-xum çeşməsindən içməmişdir, ona görə də teşnə qalmışdır.

İnsanlar ya “fovz”dadırlar, yəni nicat tapıblar və xeyrə qovuşublar, ya da bataqlıqda və çirkabda çobalayırlar. Qurani-kərim buyurur: “Onlar nicat tapanlardır (xeyrə qovuşanlardır)”[1]. Onlar yüksəlirlər və feyzdədirlər, tövhid vasitəsilə səadətə çatırlar.

Hədisdə buyurulur ki, Allahın fəzl və lütfü həzrət Rəsuli-əkrəm (s), rəhməti Əli, yəni vilayətdir. Əgər risalət və vilayəti ürəyində toplaya bildin, onda sevinc, eşq, ləzzət və gülmək yeridir. Daha dünya səni sərməst etməməlidir. Dünya adamı sərməst etdikdə insanın qəlbi qıfıllanır.

İmam Sadiq (ə) buyurur: “Hər kəs İmam Qaimin (ə.f) səhabələrindən olmaq istəyirsə, gərək müntəzir olsun və intizar halında da təqvaya, gözəl əxlaq və rəftarlara malik olsun. Odur müntəzir. Əgər ölsə və İmam Qaim (ə) onun ölümündən sonra qiyam etsə, onun savabı həzrəti dərk edən şəxsin savabı qədərdir. Bəs çalışın və müntəzir qalın.

“Həqiqətən, Biz sənə Kövsər bəxş etdik!”[1] “Kövsər”, Peyğəmbəri-ərkəmə (s) verilmiş Allahın sirridir. Ağıl həqiqətin aşağı mərhələsini dərk edə bilər, amma yuxarı mərtəbələri dərk etmək üçün sirr olmaq lazımdır. Üveys Qərəni kimi. Çöllərdə dəvə otaran olmasına baxmayaraq onun dərk edə bildiyini başqaları dərk edə bilmirdi.

Məhəbbət, Əhli-beytdə (ə) fəna olmaqdır. Əgər ürəyin o vadiyə getsə, sonsuz məhəbbətdən sonra fənaya yetişir. Məhəbbət, ürəyin fəna olması üçün bir müqəddimədir. Fənaya yetişdikdən sonra rahat olur. Ürək elə bir mərhələtə çatır ki, Seyid Bəhrül-Ülumun sözü ilə desək, insanın ürəyindən göyərçin səsi kimi bir səs eşidilir və rahatlıq tapır.

Əmir əl-möminin Əli (ə) bir rəvayətdə buyurur: “Əgər Allahın hədlərini riayət etsəniz, O da sizə vədə verdiyi şeylərin gerçəkləşməsini sürətləndirər”. Allahın vədlərindən biri də İmam Zamanın (əc) zühurudur. Əgər Allahın hədlərini qorusanız, İmam (əc) gələr və qonağınız olar.

Cavanlıqda xüşu tapmağın səmərə və nəticəsi vardır. Çünki cavanlıqda insanın qürurunun və batil xəyallarının yüksək həddi olur. Bəzən insan xəyalında özü üçün qəsr yaradır və heç kəsə etina etmir. Allah qarşısında xaşe və təvazö olan qəlb Haqqın rəhmətindən feyz alır.

İnsan ayılmayınca, peyğəmbərlərin (ə) səsini eşitmir. Əgər ah və həsrət çəkirsənsə bil ki, dirisən və mənəvi həyatın var. İnsan əməllərinə diqqət etməyincə, oyaq deyil. Oyaqlıq (yəqzə) gəldikdə, naqis olduğunu başa düşürsən. Naqisliyini hiss etdikdə isə kamala tərəf yönəlirsən.